Бигалиев Бауыржан Азаматұлы

Бигалиев Бауыржан Азаматұлы 1992 жылы 8 ақпанда Абай облысы, Тассай ауылында дүниеге келген.

2013 жылы Сәрсен Аманжолов атындағы Шығыс Қазақстан мемлекеттік университетін «Халықаралық қатынастар» мамандығы бойынша тәмамдады.

2018 жылы осы университетті «Экономика» мамандығы бойынша аяқтады. Еңбек жолын 2013 жылғы 26 қыркүйекте Көкпекті ауданының ішкі саясат бөлімі мемлекеттік мекемесінде іс жүргізуші қызметінен бастады және осы лауазымда 2014 жылғы 28 ақпанға дейін жұмыс істеді. 2014 жылғы 1 сәуір мен 2014 жылғы 22 қыркүйек аралығында Ұлан ауданының ішкі саясат бөліміне қарасты «Жастар орталығы» коммуналдық мемлекеттік мекемесінде әдіскер болып жұмыс істеді. 2014 жылғы 22 қыркүйектен 2016 жылғы 9 маусымға дейін Ұлан ауданының ішкі саясат бөлімінде бас маман қызметін атқарды. 2016 жылғы 9 маусымнан 2017 жылғы 4 қыркүйекке дейін Ұлан ауданы әкімінің аппаратында бас маман болып жұмыс істеді. 2017 жылғы 26 қыркүйектен 2020 жылғы 17 сәуірге дейін Ұлан ауданының ішкі саясат, мәдениет және тілдерді дамыту бөліміне қарасты «Жастар ресурстық орталығы» КММ-де директор қызметін атқарды. 2020 жылғы 26 маусымнан 2020 жылғы 14 желтоқсанға дейін Шығыс Қазақстан облысының энергетика және тұрғын үй-коммуналдық шаруашылық басқармасында бас маман болып жұмыс істеді. 2021 жылғы 5 мамыр мен 2021 жылғы 6 қыркүйек аралығында Өскемен қаласының ішкі саясат бөлімінде ақпараттық саясат және бұқаралық ақпарат құралдарын мониторингтеу секторының меңгерушісі қызметін атқарды. 2023 жылғы 3 тамыздан 2024 жылғы 20 желтоқсанға дейін Ұлан ауданының ішкі саясат бөліміне қарасты «Жастар ресурстық орталығы» КММ-де әдіскер болып жұмыс істеді. 2024 жылғы 20 желтоқсаннан бастап қазіргі уақытқа дейін осы мекеменің директоры қызметін атқарып келеді.