Қалиев Есентай Ғиниятұлы

1963 жылы БҚО, Жалпақтал ауданы, Жалпақтал ауылында дүниеге келген. 1986 жылы Орал ауылшаруашылық техникумын, 1994 жылы Орал педагогикалық институтын бітірген. Үйленген, 3 баланың әкесі.

Еңбек жолын 1987 жылы Жалпақтал ауданындағы №17 Фурманов орта кәсіптік-техникалық училищесінің комсомол комитетінде мұғалім әрі хатшы болып бастаған. Осыдан кейін Жалпақтал ауылындағы Менделеев атындағы орта мектебінің директоры болып жұмыс істеген. Әр жылдары Жалпақтал ауылдық округінің әкімі, Қазталов ауданының әкімі, облыстық табиғи ресурстар және табиғат пайдалануды реттеу басқармасының басшысы, Батыс Қазақстан облыстық мәслихаты аппаратының басшысы болып, әртүрлі басшылық қызметтерді атқарды. 2021 жылдың қаңтар айынан бастап Орал қалалық мәслихатының хатшысы (төрағасы) лауазымында жұмыс істеп келді.