БУБЕНКО ВЛАДИМИР СТЕПАНОВИЧ
Солтүстік Қазақстан облыстық мәслихатының төрағасы, Қызылжар ауданы № 8 бір мандаттық аумақтық сайлау округі бойынша сайланған, «AMANAT» партиясының мүшесі
Өмірбаян
Бубенко Владимир Степанович, 1954 жылы туған, білімі жоғары, 1976 жылы Целиноград ауылшаруашылық институтының инженерлік факультетін бітірген.
Еңбек жолын 1976 жылы Булаев ауданы Калинина атындағы кеңшардың диспетчері болып бастаған. Булаев ауданы Молодежный, Медвежинский кеңшарларының, Соколов аудандық ауыл шаруашылығы басқармасының бас инженері, РАПО орынбасары, төрағасы, Соколов ауданы МТС базасын басқарушы, Соколов аудандық әкімшілігі басшысының орынбасары, Соколов ауданы әкімінің бірінші орынбасары қызметтерін атқарды.
2003 жылғы қыркүйектен бастап Қызылжар ауданының әкімі, 2007 жылғы тамыздан бастап Есіл ауданының әкімі, 2010 жылғы сәуірден бастап Мағжан Жұмабаев ауданының, Мамлют ауданының әкімі, Солтүстік Қазақстан облысы әкімінің орынбасары қызметтерін атқарды.
2016 - 2023 жылдары Солтүстік Қазақстан облыстық мәслихатының хатшысы.
2023 жылғы 30 наурыздан бастап Солтүстік Қазақстан облыстық мәслихатының төрағасы.
