Бекмұқашев Қажымұқан Ахматдинұлы
Геодезия және картография комитетінің төрағасы
Өмірбаян
Қажымұқан Бекмұқашев 1982 жылы Орынбор облысында (РФ) дүниеге келген. 2004 жылы Қазақ мемлекеттік заң академиясын, 2013 жылы Батыс Қазақстан инженерлік-гуманитарлық университетін бітірген.
Қазақстан Республикасы Конституциясының 25 жылдығына арналған мерекелік медальмен марапатталған.
Еңбек жолын 2002 жылы жеке ұйымда заңгер лауазымынан бастаған.
2005-2006 жылдары – Ақтөбе облысының Дене шынықтыру және спорт басқармасы бұқаралық және ұлттық спорт түрлерін дамыту бөлімінің бас маманы болған.
2006-2011 жылдары – Ақтөбе облысы әкімінің аппаратында түрлі лауазымдарда қызмет атқарған.
2011-2012 жылдары – Ақтөбе және Батыс Қазақстан облыстары бойынша өңіраралық жер инспекциясының басшысы лауазымын атқарған.
2012 жылғы сәуірден бастап тамызға дейін – ҚР Жер ресурстарын басқару агенттігінің «МемжерҒӨО» РМК бас директорының орынбасары болған.
2012-2013 жылдары – ҚР Жер ресурстарын басқару агенттігінің Геодезия, картография және геодезиялық бақылау департаменті директорының орынбасары қызметін атқарған.
2013-2014 жылдары – ҚР Өңірлік даму министрлігі Геодезия және картография басқармасының басшысы болған.
2014-2016 жылдары – ҚР Ұлттық экономика министрлігі Геодезия және картография басқармасының басшысы.
2016-2019 жылдары – ҚР Ауыл шаруашылығы министрлігі Геодезия және картография басқармасының басшысы лауазымында қызмет атқарған.
2019 жылғы тамыздан бастап қарашаға дейін – ҚР ЦДИАӨМ Геодезия және картография комитеті Мемлекеттік геодезиялық бақылау және мемлекеттік қызметтер көрсету басқармасының басшысы болған.
2019-2021 жылдары – ҚР ЦДИАӨМ Геодезия және картография комитеті төрағасының орынбасары.
2021 жылғы шілдеден бастап - ҚР ЦДИАӨМ Геодезия және картография комитетінің төрағасы.
