Өмірбаян
Нұрболат Абылайханұлы Мақашев – 1982 жылы Шығыс Қазақстан облысында туылған, 2003 жылы азық-түлік саласын стандарттау және сертификаттау мамандығы бойынша Шәкәрім атындағы Семей мемлекеттік университетін, 2010 жылы заң мамандығы бойынша «Туран-Астана» университетін, 2015 жылы («Болашақ» бағдарламасы бойынша) мемлекеттік басқару мамандығы бойынша «Шпайер» әкімшілік басқармасы Неміс университетінің магистратурасын «Мемлекеттік басқару» мамандығы бойынша бітірді.
Еңбек жолын 2007 жылы «Халықаралық бағдарламалар орталығы» акционерлік қоғамында президент кеңесшісі болып бастаған.
2007-2008 жылдар аралығында Қазақстан Республикасы Білім және ғылым министрлігінің Жоғары және жоғары оқу орнынан кейінгі білім департаментінің Мемлекеттік тапсырыс пен жоғары оқу орнынан кейінгі білім басқармасының бас маманы. 2008-2018 жылдар аралығында Ауыл шаруашылығы министрлігінде қызмет атқарды. 2018 жылдан 2019 жылға дейін Павлодар облысы Ауыл шаруашылығы басқармасы басшысының орынбасары, басшысы болып жұмыс істеді. 2019 жылдан 2023 жылдың қаңтарына дейін Тереңкөл ауданы әкімінің орынбасары қызметін атқарды, облыстық ауыл шаруашылығы басқармасының басшысы болды. 2023 жылғы 18 қаңтардан бастап Павлодар облысы Успен ауданының әкімі болып тағайындалды.
