Жолдиев Рафхат Лесұлы
Атырау қаласы Қайыршақты ауылдық округінің әкімі
Өмірбаян
Атырау қалалық аумақтық сайлау комиссиясының 2025 жылғы 4 маусымдағы №10 қаулысына сәйкес, 2025 жылғы 13 шілдеде Атырау қаласына қарасты Еркінқала және Қайыршақты ауылдық округтері әкімдерінің сайлауы өткізілді.
Атырау қалалық аумақтық сайлау комиссиясының шешімі негізінде, қала әкімінің өкімімен Жолдиев Рафхат Лесұлы Қайыршақты ауылдық округінің әкімі лауазымына тағайындалды.
Жолдиев Рафхат 1984 жылы Атырау облысында туған. 2006 жылы - Халел Досмұхамедов атындағы Атырау университетін бітіріп, «Ұйым менеджменті» мамандығын алған
Еңбек жолын 2004 жылы бас есепші-бас менеджер болып бастаған. 2006-2007 жылдары Атырау қаласындағы «Отан» партиясының облыстық филиалында кеңесші;
2007 жылдан мемлекеттік қызметте. 2007- 2010 жылдары Атырау қала әкімі аппараты тұрғындармен қарым-қатынасты үйлестіру бөлімінің жетекші маманы; 2010-2017 жылдары Атырау қалалық тұрғын үй-коммуналдық шаруашылығы, жолаушылар көлігі және автокөлік жолдары бөлімінде тұрғындармен қарым қатынасты үйлестіру секторының бас маманы, меңгерушісі; 2018-2023 жылдары тұрғын үй секторының меңгерушісі лауазымдарында жұмыс жасаған.
Тағайындалғанға дейін 2023 жылдан бастап бүгінгі күнге дейін Атырау қалалық жұмыспен қамту және әлеуметтік бағдарламалар бөлімінің басшысы лауазымында қызмет жасаған.
