Қоспанов Руслан Тобылұлы
Қазақстанның Жидда қаласындағы Бас консулы, Қазақстанның Ислам ынтымақтастығы ұйымы жанындағы Тұрақты өкілінің орынбасары
Өмірбаян
ҚР Үкіметінің 2007 жылғы 28 желтоқсандағы қаулысына сәйкес Жидда қаласында Қазақстанның Консулдығы ашылды. Аталған мекеме ҚР Президентінің 2019 жылғы 5 тамыздағы жарлығына сәйкес Қазақстан Республикасының Жидда қаласындағы Бас консулдығына ауыстырылды.
Консулдық округке Мекке провинциясы (Мекке, Жидда, Таиф, Тувал және т.б.) және Медина провинциясы (Медина, Янбу және т.б.) кіреді.
Бас консулдықтың басты бағыттарына Қазақстан Республикасы мен оның азаматтарының және заңды тұлғаларының құқықтары мен мүдделерінің қорғалуын қамтамасыз ету, сондай-ақ өзінің консулдық округі шеңберінде Қазақстан Республикасы мен Сауд Арабиясы Корольдігі арасындағы сауда-экономикалық, ғылыми-техникалық, мәдени-гуманитарлық ынтымақтастықтың дамуына атсалысу жатады.
Сонымен қатар, Бас консулдыққа Қазақстан Республикасының Жидда қаласында орналасқан Ислам ынтымақтастығы ұйымымен, оның әртүрлі институттарымен, оның ішінде, Ислам даму банкімен қарым-қатынастарын дамыту жауапкершілігі жүктелген.