Илеубаев Архат Адилханович
Екібастұз қаласы Солнечный кентінің әкімі
Өмірбаян
1975 жылғы 26 шілдеде Шығыс Қазақстан облысы Тарбағатай ауданы Ақжар ауылында дүниеге келген.
Екі жоғары білімі бар, 2007 жылы Қ. Сәтбаев атындағы Екібастұз инженерлік-техникалық институтын «Локомотивтер» мамандығы бойынша, 2012 жылы Павлодар мемлекеттік педагогикалық институтын «Тарих» мамандығы бойынша аяқтаған.
1995 жылы Красноармейка ауылшаруашылық техникумын Ауылшаруашылығы жұмыстарын механикалындыру» мамандығы бойынша бітірді.
Жалпы еңбек өтілі - 20 жыл.
Екібастұз қалалық телеарнасының журналисі, «Атамұра» мәдениет орталығының көркемдік жетекшісі, Екібастұз политехникалық колледжінің оқытушысы, Екібастұз қаласы Солнечный кенті әкімі аппараты «Мақпал» мәдениет үйі» КМҚК-ның директоры болып еңбек атқарды.
Екібастұз қалалық аумақтық сайлау комиссиясы сайланған әкімді тіркеу туралы шешімінің негізінде 2023 жылдың 25 қыркүйегінде Екібастұз қаласы Солнечный кентінің әкімі болып тағайындалды.
