Тлеумбетов Мұрат Жолкелдіұлы

Тлеумбетов Мұрат Жолкелдіұлы 1963 жылы Қызылорда облысында дүниеге келген.

Жамбыл гидромелиоративтік құрылыс институтын «инженер - құрылысшы» және Қорқыт Ата атындағы Қызылорда мемлекеттік университетін «экономист» мамандықтары бойынша бітірген.

Еңбек жолын 1985 жылы Қызылорда құрылыс трестінің жұмысшысы ретінде бастап, аталған мекемеде мастер, инженер - жабдықтаушы және шағын кәсіпорын директоры лауазымында 1995 жылға дейін қызмет атқарған.

1995 - 2010 жылдары «Интертич - Кезнар» шағын өндірістік кәсіпорнының өкілі, «Ақ маржан» акционерлік қоғамына қарасты «Реалбаза» мекемесінің директоры, «Жабдықтау» жауапкершілігі шектеулі серіктестігінің бас директоры болған.

2010-2013 жылдары Қызылорда облысының мемлекеттік мүлік және жекешелендіру департаментінің бас маманы, бөлім бастығы;

2013-2014 жылдары Қызылорда қаласы әкімінің орынбасары;

2014-2017 жылдары Қызылорда облысының құрылыс, сәулет және қала құрылысы басқармасының басшысы;

2017-2019 жылдары «Жаңақұрылыс», «Қызылорда тазалығы», «Автобус паркі» ЖШС-де басшылық қызметтер атқарған.

2017-2019 жылдары Қызылорда облысының жолаушылар көлігі және автомобиль жолдары басқармасының бөлім басшысы, басқарма басшының орынбасары болған.

2020-2022 жылдары Қызылорда облысының жолаушылар көлігі және автомобиль жолдары басқармасының басшысы қызметін атқарған.

2022-2024 жылдары Жаңақорған ауданының әкімі қызметін атқарған.

2024 жылдың 26 сәуір айынан бастап Қызылорда облыстық мәслихатының VIII шақырылым депутаты, төрағасы болып сайланды.

«AMANAT» партиясының мүшесі.