Ескулов Пердебек Сержанович
Кемеқалған ауылдық округінің әкімі
Өмірбаян
1991 жылы 4 маусымда Түркістан облысы Төлеби ауданы Ақбастау елді мекенінде дүниеге келген.
1998–2009 жылдары Ақбастау ауылының жалпы орта білім беретін мектебінде білім алды.
2009–2012 жылдары Шымкент аграрлық колледжінде «Техник-технолог» мамандығы бойынша оқыды.
2012–2015 жылдары Қазақ инженерлік-техникалық академиясында «Стандарттау, сертификаттау және метрология» мамандығы бойынша білім алды.
2019–2021 жылдары Ә. Қуатбеков атындағы Халықтар достығы университетінде «Құқықтану» (Юриспруденция) мамандығы бойынша оқыды.
Еңбек жолы:
2015–2019 жылдары Шымкент қаласының № 3 Балалар эстетикалық музыка мектебінде оператор және шаруашылық бөлімінің меңгерушісі болып жұмыс істеді.
2019–2020 жылдары Төлеби ауданы Алатау ауылдық округі әкімі аппаратының маманы лауазымын атқарды.
2020–2023 жылдары Төлеби ауданының «Жастар ресурстық орталығы» КММ-н (Коммуналдық мемлекеттік мекеме) басқарды.
2020 жылдың маусым айынан бастап аудан әкімінің сыбайлас жемқорлыққа қарсы іс-қимыл мәселелері жөніндегі штаттан тыс кеңесшісі және «Төлеби адалдық алаңы» жобалық кеңсесінің жетекшісі болып табылады.
2022 жылы Төлеби ауданы Қоғамдық кеңесінің мүшесі болып сайланды.
2023 жылы VIII шақырылымдағы Төлеби аудандық мәслихатының депутаты болып сайланды.
2023–2025 жылдары Түркістан облысы Қоғамдық даму басқармасының «Жастар ресурстық орталығы» КММ басшысының орынбасары лауазымын атқарды.
2025 жылдың 14 қазанынан бастап қазіргі уақытқа дейін Кемеқалған ауылдық округінің әкімі.
