31 тамыз және 1 қыркүйек күндері «Елорданың мәдени нысандарын инфрақұрылымды жақсарту және туристік тартымдылығын арттыру арқылы туристік әрі қоғамдық орталықтар ретінде дамыту» тақырыбындағы әлеуметтік-мәдени даму мәселелері жөніндегі тұрақты комиссияның отырысына дайындық аясында Астана қаласы мәслихатының депутаттары елорданың туристік нысандарын аралады.
«Astana Tourism» туризмді дамыту орталығының, тиісті мемлекеттік органдар мен ұйымдардың өкілдерімен бірлесіп нысандардың қазіргі жағдайына мониторинг жүргізілді. Сапар барысында ілеспе инфрақұрылымды дамыту, қалалық ортаның сапасын арттыру, елорданың туристік тартымдылығын күшейту және нысандардың қолжетімділігін қамтамасыз ету мәселелері талқыланды.
