Көкшетау қаласының әкімі теміржол вокзалына барып, ғимаратты реконструкциялау нәтижелерімен және оған іргелес аумақты абаттандыру жұмыстарының барысымен танысты.
Реконструкция аясында вокзалдың қасбеті мен ішкі бөлмелері, кіреберіс топтары, баспалдақ алаңдары және инфрақұрылымның басқа да элементтері жаңартылды. Үшінші қабатта қонақүй бөлмелері қарастырылған. Реконструкция жұмыстарын 2026 жылдың III тоқсанында аяқтау жоспарлануда.
Вокзал кешенін жаңарту жұмыстарының жалғасы ретінде аумағы 0,75 гектар болатын вокзал маңы аумағына реконструкция жүргізілуде. Жоба жаяу жүргіншілер аймақтарын абаттандыруды, шағын сәулет нысандарын, орындықтар мен сәндік жарықтандыру элементтерін орнатуды, көгалдандыру және газондар төсеуді көздейді.
Барлық жұмыстар аяқталғаннан кейін вокзал маңы аумағы заманауи әрі абаттандырылған келбетке ие болып, қала тұрғындары мен қонақтары үшін қолайлы жағдай жасалады.
