Балалардың құқықтары мен заңды мүдделерін қорғау – басты назарда
Жамбыл ауданы әкімдігі жанындағы кәмелетке толмағандардың істері және олардың құқықтарын қорғау жөніндегі комиссияның кезекті отырысы өтті. Отырысты комиссия төрағасы, Жамбыл ауданы әкімінің орынбасары Махпал Досымбекова жүргізді. Күн тәртібінде Отбасы қолдау орталығының атқарған жұмыстары және FSMSocial жүйесі арқылы денсаулық сақтау мен білім беру бөлімдеріне келіп түскен сигналдар қаралды. Комиссия мүшелері ұсынылған құжаттарды жан-жақты зерделеп, балалардың құқықтары мен заңды мүдделерін ескере отырып, тиісті шешімдер қабылдады. Сонымен қатар жауапты мемлекеттік органдар мен мекемелерге нақты тапсырмалар берілді. Бала қауіпсіздігі мен отбасының әл-ауқатын қамтамасыз ету – баршамызға ортақ міндет.
