Ақтау қаласында жол қауіпсіздігін қамтамасыз ету және көлік қозғалысын тиімді ұйымдастыру мақсатында бірқатар жұмыстар жүргізілуде.
Қала аумағындағы 5 жаңа жаяу жүргіншілер өткеліне батырмалы бағдаршамдар орнатылып жатыр. Аталған бағдаршамдар жаяу жүргіншілердің жолдан қауіпсіз өтуіне мүмкіндік беріп, көлік қозғалысын реттеуге бағытталған.
Сонымен қатар 9 автомобиль жолы қиылысындағы ескі бағдаршамдар жаңартылуда. Жаңа нысандар жол қозғалысын реттеудің тиімділігін арттырып, жүргізушілер мен жаяу жүргіншілер үшін қауіпсіз әрі қолайлы жағдай қалыптастыруға мүмкіндік береді.
Аталған жұмыстар қаладағы жол-көлік инфрақұрылымын жетілдіру және жол қозғалысына қатысушылардың қауіпсіздігін арттыру бағытында жүзеге асырылуда.
Ақтау қаласы әкімдігінің баспасөз қызметі
