Ауданындағы елді мекендердің инфрақұрылымын жақсарту, тұрғындарға қолайлы жағдай жасау бағытындағы жұмыстар жалғасуда. Соның бірі – Бисен ауылындағы көше жолдарын жөндеу және асфальт төсеу жұмыстары.
Жоба аясында ауылдың 5 көшесіне асфальт төселіп, жолдардың сапасы жақсарады. Бұл жұмыстар тұрғындардың күнделікті қатынасын жеңілдетіп, көлік қозғалысының қауіпсіздігін арттыруға мүмкіндік береді. Мердігер: "Монолит" ЖШС.
Құрылыс жұмыстарының барысын аудан әкімінің орынбасары Азамат Мұхамбетжанов бақылап, мердігер ұйым өкілдерімен бірге жұмыс сапасын қадағалады. Ол жол төсеу барысында құрылыс талаптарының сақталуына, жұмыстың сапалы әрі белгіленген мерзімде орындалуына баса назар аударды.
Аудан әкімдігі тарапынан елді мекендердің жол-көлік инфрақұрылымын дамытуға ерекше көңіл бөлінуде. Бисен ауылындағы бұл жоба да тұрғындардың ұсыныс-тілектерін ескере отырып, ауылдың көркейіп, абаттануына оң ықпал етпек.
Жол сапасының жақсаруы – ауыл тұрғындарының өмір сүруіне қолайлы жағдай қалыптастырып қана қоймай, елді мекеннің әлеуметтік-экономикалық дамуына серпін беретін маңызды фактор.
