Спорт – денсаулық кепілі 16 тамыз – Спорт күніне орай Тамды ауылдық округінде жасөспірімдер арасында шағын футболдан спорттық жарыс ұйымдастырылды. Жарыстың негізгі мақсаты – жасөспірімдер арасында салауатты өмір салтын насихаттау, спортқа деген қызығушылықты арттыру, бос уақыттарын тиімді ұйымдастыру және достық қарым-қатынасты нығайту. Жарыс барысында жас спортшылар өздерінің шеберліктерін, ептіліктері мен командалық ойындарын көрсетті. Тартысты әрі қызықты өткен ойындарда қатысушылар жеңіске деген жігері мен спорттық белсенділіктерін танытты. Жарыс соңында үздік нәтиже көрсеткен командалар мен ойыншылар арнайы мадақтамалармен марапатталды. Сонымен қатар, «Үздік ойыншы», «Үздік шабуылшы», «Үздік қорғаушы», «Үздік қақпашы» сияқты арнайы номинациялар бойынша үздіктер анықталды. Спорттық іс-шара жастарды спортпен тұрақты түрде айналысуға ынталандырып, салауатты әрі белсенді өмір салтын қалыптастыруға бағытталды. Қазақстанда Спорт күні тамыз айының үшінші жексенбісінде аталып өтеді, ал 2026 жылы бұл күн 16 тамызға сәйкес келеді.
