Заң клиникасындағы семинар

Астана қалалық Әділет департаменті мен Л.Н. Гумилев атындағы Еуразия ұлттық университеті арасындағы ынтымақтастық туралы меморандумды іске асыру аясында университет жанындағы заң клиникасында студенттерге арналған семинар өтті. Семинар барысында қатысушыларға заң клиникасының негізгі қызметі, халыққа заңгерлік көмек көрсету тәртібі және мемлекет кепілдік берген заң көмегін ұсынудың ерекшеліктері туралы ақпарат берілді. Баяндамашылар заң саласындағы тәжірибелерімен бөлісіп, халықтың құқықтық сауаттылығын арттырудағы және болашақ заңгерлердің кәсіби дағдыларын дамытудағы заң клиникасының рөлін талқылады.

Студенттерге арналған практикалық оқытудың маңыздылығына ерекше назар аударылды. Заң клиникасының жұмысына қатысу студенттерге теориялық білімді іс жүзінде қолдануға, сондай-ақ халықпен өзара іс-қимыл жасау, құқықтық құжаттарды әзірлеу және заңгерлік кеңес беру дағдыларын дамытуға мүмкіндік береді. Мұндай іс-шаралар мемлекеттік органдар мен оқу орындары арасындағы ынтымақтастықты нығайтуға, сонымен қатар жастардың заңгер мамандығына деген қызығушылығын арттыруға ықпал етеді.