Бүгінгі таңда әлемнің 31 елінде 417 ядролық реактор пайдаланылуда, олардың жалпы таза электр қуаты шамамен 379,6 ГВт құрайды. Пайдаланылып жатқан 417 ядролық реактордың басым бөлігін қысымды су реакторлары құрайды – олардың саны 308, ал жалпы электр қуаты 298 ГВт-қа жетеді.
Сонымен қатар, 17 елде тағы 77 ядролық реактордың құрылысы белсенді жүргізілуде. Олардың жобалық қуаты 80,7 ГВт-тан асады.
Пайдаланылып жатқан ядролық реакторлар саны бойынша әлемде Америка Құрама Штаттары көш бастап тұр. Ел аумағында 94 ядролық энергоблок жұмыс істейді. Екінші орында Қытай – 60 реактор. Франция 57 ядролық реакторымен үшінші орында. Жаһандық рейтингте төртінші орында Ресей Федерациясы – елде 34 энергетикалық реактор жұмыс істеп тұр. Үздік бестікті Корея Республикасы түйіндейді: қазіргі уақытта елде 26 атом энергоблогы коммерциялық пайдалануда.
