Құрметті Қызылорда қаласының тұрғындары мен қонақтары!

«Әділет» саяси партиясының ұйымдастыруымен қала тұрғындарына арналған “Open Air” ашық аспан астындағы концерті өтеді. Іс-шара барысында қоғамдық тәртіп пен азаматтардың қауіпсіздігін қамтамасыз ету мақсатында Қызылорда облысы Полиция департаментінің қызметкерлері күшейтілген режимде қызмет атқарады. Осыған байланысты қала тұрғындары мен қонақтарынан полиция қызметкерлерінің заңды талаптарына түсіністікпен қарап, оларды бұлжытпай орындауды сұраймыз. Сонымен қатар, концерт өткізілетін уақытта Орталық алаңға іргелес көшелерде автокөлік қозғалысына уақытша шектеулер енгізіледі. Жол-көлік кептелісінің алдын алу мақсатында сапарыңызды алдын ала жоспарлап, балама бағыттарды пайдалануларыңызды сұраймыз. Қоғамдық тәртіпті сақтауға және қауіпсіздікті қамтамасыз етуге көрсеткен қолдауларыңыз үшін алғыс білдіреміз.