Қазақстан Республикасы Қаржылық мониторинг агенттігінің Жетісу облысы бойынша тергеп-тексеру департаментінің қызметкерлері Көксу ауданы «Жанұя» отбасын қолдау және белсенді ұзақ өмір сүру орталығында «Заң және тәртіп» бастамасы аясында профилактикалық кездесу өткізді. Іс-шара барысында қатысушыларға интернет-алаяқтықтың алдын алу, жеке қаражатты қорғау, дропперлер мен қаржы пирамидаларының қаупі туралы жан-жақты ақпарат берілді. Сонымен қатар, онлайн алаяқтардың арбауына түспеу жолдары түсіндірілді. Кездесуге Жетісу университетінің волонтерлері де қатысып, ақпараттық-түсіндіру жұмыстарына белсенді атсалысты.
