Полицияға 10 жастағы баланың ата-анасы арызданып, базар маңында бейтаныс ер адамның баладан «бір қоңырау шалайын» деген сылтаумен ұялы телефонын сұрап алып, оқиға орнынан кетіп қалғанын хабарлаған.
Жедел-іздестіру іс-шараларының нәтижесінде полицейлер күдіктінің жеке басын анықтап, оны полиция бөліміне жеткізді. Ол – 46 жастағы ер адам.
Күдікті өз кінәсін мойындап, алған телефонды базарда сатып жібергенін түсіндірді.
Аталған дерек бойынша алаяқтық фактісімен тергеу амалдары жүргізілуде.
Полиция ескертеді: бейтаныс адамның «телефон бере тұрыңыз, қоңырау шалайын» деген өтінішіне сақтықпен қараңыз. Егер шынымен көмек қажет болса, қажетті нөмірге өзіңіз хабарласып беруді ұсыныңыз. Телефонды бөтен адамның қолына ұстата салу – қымбатқа түсуі мүмкін.
