Төлеби ауданы әкімдігінің мәжіліс залында Түркістан облысы энергетика және тұрғын үй-коммуналдық шаруашылық басқармасының басшысы Тоқтар Оразұлы Усубалиевтің қатысуымен жұмыс жиыны өтті. Басқосуға аудан әкімі Еркеғали Әлімқұлов төрағалық етті.
Жиын барысында аудан әкімі Еркеғали Амантайұлы өңірдегі ауыз сумен қамту саласының бүгінгі ахуалына жан-жақты тоқталып, тұрғындарды сапалы ауыз сумен үздіксіз қамтамасыз ету бағытында атқарылып жатқан жұмыстар мен алдағы міндеттер жөнінде баяндама жасады. Әсіресе, сумен жабдықтау жүйелерінің сенімді жұмысын қамтамасыз ету, қолданыстағы инфрақұрылымды жаңғырту және елді мекендердің инженерлік әлеуетін арттыру мәселелеріне баса назар аударылды. Кездесу барысында ауыз су саласындағы өзекті мәселелер кеңінен талқыланып, оларды тиімді шешудің нақты тетіктері сараланды. Тұрғындардың өмір сүру сапасын жақсарту жолындағы маңызды жобалардың орындалу барысы да назардан тыс қалған жоқ. Жұмыс жиынынан кейін облыстық басқарма басшысы Тоқтар Усубалиев аудан әкімі Еркеғали Әлімқұловпен бірге аудан халқын ауыз сумен қамтамасыз етіп отырған су тарту нысандарын аралап, олардың жұмысымен және техникалық жай-күйімен танысты. Нысандарды аралау барысында жүйелердің тұрақты әрі тиімді жұмысын қамтамасыз ету, инженерлік инфрақұрылымды жетілдіру және халықты сапалы ауыз сумен үздіксіз қамту бағытында бірқатар нақты міндеттер белгіленді. Ауыз сумен тұрақты қамтамасыз ету – тұрғындардың әл-ауқатын арттыруға және өңірдің тұрақты дамуына негіз болатын маңызды бағыттардың бірі. Осы орайда аудан аумағындағы сумен жабдықтау жүйелерінің сенімділігін арттыру мен инфрақұрылымды кезең-кезеңімен жаңғырту жұмыстары алдағы уақытта да жүйелі түрде жалғасатын болады.
Төлеби ауданы әкімінің баспасөз қызметі
