ЗАҢНАМАЛЫҚ ЖАҢАШЫЛДЫҚТАРДЫ ТҮСІНДІРУГЕ АРНАЛҒАН СЕМИНАР ӨТТІ

🔹Атырау облысы Әділет департаментінің ұйымдастыруымен нотариустар мен жеке сот орындаушыларының қатысуымен Қазақстан Республикасының Жаңа Конституциясына және салалық заңнамаларға енгізілген өзгерістерді түсіндіруге бағытталған семинар өтті.
Іс-шараны Атырау облысы Әділет департаментінің басшысы Г.У. Кыстаубаева ашып, құқықтық қызметтердің сапасын арттыру, азаматтардың өтініштерін заң талаптарына сәйкес қарау және құқық қолдану тәжірибесін жетілдірудің маңыздылығын атап өтті.
Семинар барысында қызметкерлер Конституцияға енгізілген жаңашылдықтардың мәні мен маңызын түсіндіру мақсатында баяндама оқыды. Сонымен қатар, ҚР Әкімшілік рәсімдік-процестік кодексінің талаптары жөнінде, «Нотариат туралы» Қазақстан Республикасының Заңына енгізілген өзгерістер мен «Атқарушылық іс жүргізу және сот орындаушыларының мәртебесі туралы» Қазақстан Республикасының Заңына енгізілген өзгерістерге туралы баяндамалар тыңдалды.
Іс-шара соңында қатысушылар өзекті мәселелер бойынша пікір алмасып, заңнаманы бірізді қолдану, құқықтық қызметтердің сапасын арттыру және азаматтардың құқықтарын қорғау бағытындағы ұсыныстарын ортаға салды.