Жалағаш ауданы көлемінде ағымдағы жылдың 13–30 шілде аралығында өтіп жатқан «Жаңа Жол» республикалық акциясы аясында сотты болған азаматтармен профилактикалық түсіндіру жұмыстары жүргізілді. Іс-шара барысында азаматтармен жеке профилактикалық әңгімелер өткізіліп, олардың әлеуметтік-тұрмыстық жағдайлары зерделеніп, туындаған мәселелері қарастырылды. Сонымен қатар, заң талаптарын сақтау, қоғамға қайта бейімделу, тұрақты жұмыспен қамтылудың маңыздылығы, әлеуметтік қолдау шаралары және қайталама құқық бұзушылықтардың алдын алу бағытында жан-жақты түсіндірме жұмыстары жүргізіліп, құқықтық кеңестер берілді.
