Шымкент қаласы Полиция департаменті Қаратау аудандық полиция басқармасы «Аулада қабылдау» акциясы аясында №49 және №50 учаскелік полиция пункттеріне қарасты аумақ тұрғындарымен кездесу өткізді.
Кездесу барысында тұрғындардың ұсыныс-пікірлері мен өтініштері тыңдалып, қоғамдық қауіпсіздік, құқық бұзушылықтың алдын алу, жол қозғалысы қауіпсіздігі және интернет-алаяқтықтан сақтану мәселелері бойынша түсіндіру жұмыстары жүргізілді.
Сонымен қатар, азаматтардың жеке сұрақтарына жауап беріліп, көтерілген мәселелер заң аясында қарастырылып, тиісті шаралар қабылданатыны түсіндірілді.
Полиция мен халық арасындағы ашық диалог – қауіпсіз қоғам қалыптастырудың маңызды кепілі.
