Жуалы ауданыТөтенше жағдайлар бөлімі мен Талас ауданы №21 Майтөбе өрт сөндіру бекетінің қызметкерлері бірлесіп Берікқара балалар лагерінде профилактикалық іс-шара өткізді.
Кездесу барысында балаларға өрт қауіпсіздігі, шомылу маусымындағы судағы қауіпсіздік талаптары және терезеден құлаудың алдын алу шаралары түсіндірілді.
Сондай-ақ төтенше жағдай кезінде дұрыс әрекет ету тәртібі айтылып, қауіпсіздік бойынша ақпараттық жадынамалар таратылды. Құтқарушылар балаларды қауіпсіздік ережелерін әрдайым сақтауға шақырды.
