Тараз қаласындағы «Жеңіс» саябағында ТЖМ қызметкерлері тұрғындар мен қала қонақтарына арналған «Қауіпсіз балалық шақ - әрбір үйге» профилактикалық акциясын өткізді.
Іс-шара барысында ересектер мен балаларға өрт қауіпсіздігі, судағы қауіпсіздік ережелері, сондай-ақ балалардың терезеден құлап кетуінің алдын алу шаралары түсіндірілді.
Акция соңында балалар үшін өрт сөндіру техникасының мүмкіндіктері көрсетіліп, дәстүрлі су мерекесі ұйымдастырылды. Бұл шара бүлдіршіндерге көтеріңкі көңіл-күй сыйлап, қауіпсіздік ережелерін есте сақтауға мүмкіндік берді.
