📌 Медициналық және фармацевтикалық бақылау комитетіне өтінішті қалай беруге болады?
Егер сізде:
✔ медициналық көмектің сапасына;
✔ медициналық қызмет көрсетуге;
✔ дәрілік заттар мен медициналық бұйымдардың айналымына;
✔ медициналық және фармацевтикалық қызметті лицензиялауға;
✔ медицина қызметкерлерін сертификаттау және аттестаттауға қатысты сұрақтар немесе шағымдар болса, Медициналық және фармацевтикалық бақылау комитетіне немесе оның аумақтық департаменттеріне жүгіне аласыз.
Өтініш беру тәсілдері:
🔹 eOtinish платформасы арқылы
eotinish.kz немесе egov.kz порталында авторизациядан өтіп, «Өтініш беру» қызметін таңдаңыз, Комитетті немесе тиісті аумақтық департаментті көрсетіп, өтінішіңізді жолдаңыз.
🔹 Жазбаша түрде
Өтінішті пошта арқылы немесе Комитеттің кеңсесіне жеке тапсыруға болады.
🔹 Телефон арқылы кеңес алу
📞 8 (7172) 74-27-68
❗ Өтініш Қазақстан Республикасының Әкімшілік рәсімдік-процестік кодексінің 63-бабының талаптарына сәйкес рәсімделуі тиіс.
⏳ Қарау мерзімі:
• өтініштер – 15 жұмыс күні;
• шағымдар – 20 жұмыс күні.
🌐Өтінішті ҚР ДСМ Медициналық және фармацевтикалық бақылау комитетіне, сондай-ақ өтініш берушінің орналасқан жері бойынша немесе мәселенің құзыретіне сәйкес оның аумақтық департаменттеріне беруге болады.
