Тараз қаласындағы демалыс аймағында Жамбыл облысы Төтенше жағдайлар департаменті мен Білім басқармасының ұйымдастыруымен балаларды жүзудің бастапқы дағдыларына үйретуге және судағы қауіпсіздік мәдениетін қалыптастыруға бағытталған оқыту іс-шарасы өтті.
Іс-шара барысында құтқарушылар балаларға су айдындарындағы қауіпсіздік ережелерін, төтенше жағдай кезінде дұрыс әрекет ету тәртібін және алғашқы көмек көрсету негіздерін түсіндірді. Теориялық бөлімнен кейін қатысушылар тәжірибелік сабақтарға қатысып, құтқарушылардың жетекшілігімен жүзудің бастапқы дағдыларын меңгерді.
Мұндай іс-шаралар жазғы кезеңде балалардың қауіпсіздігін арттыруға, олардың өз өмірі мен денсаулығына жауапкершілікпен қарауын қалыптастыруға, сондай-ақ судағы қауіпсіз әрі белсенді демалыс мәдениетін насихаттауға ықпал етеді.
