Соңғы екі апта Қазақстан-Марокко іскерлік кеңесінің алғашқы, тарихи отырысына дайындық аясында өте қарбалас болды. 2025 жылы құрылған Іскерлік Кеңес екі ел арасындағы бизнесті жақындатуға күшті серпін беруге бағытталған және қазір осы маңызды оқиға алдындағы соңғы кезеңдегі даярлау жұмыстары жүргізілуде. Касабланкада жетекші қазақстандық компаниялар Марокко бизнес қауымдастығымен бетпе-бет кездеседі.
Қазақстан елшісі С.Сайлауқызы Марокконың Әділет министрі Абделлатиф Уахбимен, Марокко Сыртқы істер министрлігінің саяси және экономикалық департаменттерінің директорлары Омар Кадиримен және Мохамед Белхаджбен, Халықаралық бизнеспен айналысатын Марокко әйелдері қауымдастығының (MOWAIB) төрайымымен Захра Маафири, Фес-Мекнес аймағының уалиі және Фес префектурасының губернаторы Халид Айт Талебпен, Марокконың минералды өнеркәсіп федерациясының президенті Мохамед Шеррамен, Парламент Кеңесшілер палатасының депутаты Фатима Загухпен, Diana Holding президенті Рита Мария Знибермен және Касабланка сауда-өнеркәсіп палатасының президенті Хасан Берканимен бірқатар жұмыс кездесулерін өткізді.
Негізгі мақсат – алдағы кездесулерде минералды тыңайтқыштар өндірісі, логистика, ауыл шаруашылығы, фармацевтика, IT, машина жасау және жаңартылатын энергия салаларында нақты нәтижелерге қол жеткізуін қамтамасыз ету үшін B2B кездесулерін мұқият үйлестіру.
Тараптардың қызығушылығын нақты сандар растайды: Қазақстан мен Марокко арасындағы екіжақты сауда айналымы 460 млн долл асты (68% өсім) және ынтымақтастықтың әлеуеті зор болып қала береді.
2025 жылы күніше енген өзара визасыз режим кәсіпкерлердің пайдасына жұмыс істейді, іссапарлардың логистикасын айтарлықтай жеңілдетеді және шешім қабылдауды үлес қосады. Касабланкадағы Іскерлік Кеңестің алғашқы отырысы бұл әлеуетті жаңа бірлескен кәсіпорындар мен ірі инвестициялық жобаларға айналдыруды мақсат етеді.
