️Аудан әкімі Серік Құдабай орталық қазандықтың құрылыс барысын тексеріп, «Азияэнергопроектмонтаж» ЖШС өкілімен кездесті.
Бүгінде сыртқы инженерлік желілерді тарту жұмыстары аяқталу кезеңінде (дәнекерленген жіктерді толықтай дәнекерлеу жұмыстары жүргізілуде). Сонымен қатар, қазандық алаңының қажетті деңгейін қамтамасыз ету мақсатында аумаққа ұсақ тас (дресва) төсеу, көмір қабылдау құрылғысын орнату, сондай-ақ су құбыры мен кәріз желілерін тарту жұмыстары жалғасуда.
Іс-сапар қорытындысы бойынша аудан әкімі құрылыс жұмыстарын уақытылы, әрі сапалы аяқтауды қамтамасыз етуге бағытталған бірқатар нақты тапсырмалар берді.
