«Алтын Арман» базарында діни материалдарды таратуға қатысты жауапкершілік түсіндірілді

25 маусым күні Конфессияаралық қатынастарды талдау және дамыту орталығының қызметкерлері «Алтын Арман» базарының қызметкерлерімен бірқатар жеке профилактикалық әңгімелесулер өткізді.
Қатысушыларға Солтүстік Қазақстан облысы әкімдігінің 2021 жылғы 8 қаңтардағы №1 «Діни әдебиетті және діни мазмұндағы өзге де ақпараттық материалдарды, діни мақсаттағы заттарды таратуға арналған арнайы тұрақты үй-жайларды орналастыру туралы» қаулысының ережелері түсіндірілген ақпараттық брошюралар таратылды.
Орталық қызметкерлері діни әдебиеттерді, сондай-ақ діни мазмұндағы өзге де ақпараттық материалдарды (сувенирлік өнімдер, күнтізбелер және т.б.), сонымен қатар діни мақсаттағы заттарды (иконалар, тәспілер және т.б.) таратуға тек ғибадат ғимараттарында (құрылыстарында), рухани (діни) білім беру ұйымдарында, сондай-ақ облыстардың, республикалық маңызы бар қалалардың және астананың жергілікті атқарушы органдары айқындаған арнайы тұрақты үй-жайларда ғана рұқсат етілетінін еске салды.
Сондай-ақ іс-шараға қатысушыларға Қазақстан Республикасының діни қызмет және діни бірлестіктер саласындағы заңнамасының нормалары, сондай-ақ оларды бұзғаны үшін көзделген жауапкершілік түсіндірілді.