2026 жылдың 22 маусым күні Теріс ауылдық клубында округ тұрғындарымен мемлекеттік қызметтерге қол жеткізу жолдарын түсіндіруге арналған кездесу өткізілді. Іс-шараның мақсаты – азаматтарға мемлекеттік қызметтерді алу тәртібі мен цифрлық форматтағы мүмкіндіктерді кеңінен таныстыру, электронды үкімет жүйесін белсенді қолдануға шақыру.
Кездесу барысында «Көкбастау ауылдық округі әкімінің аппараты» коммуналдық мемлекеттік мекемесі арқылы көрсетілетін 6 мемлекеттік қызмет түрі бойынша толық ақпарат берілді:
1.Жер учаскесінің нысаналы мақсатын өзгертуге шешім беру;
2.Кент, ауыл жерлерінен жер учаскесін беру;
3.Сауда-саттықты (конкурстарды, аукциондарды) өткізуді талап етпейтін мемлекет меншігіндегі жер учаскелеріне құқықтар алу;
4.Жер учаскесін жеке меншікке ақысын бірден төлеп не бөліп төлеу арқылы сату;
5.Жер учаскесін алу үшін кезекке қою;
6.Жер учаскесінің жалдау мерзімін ұзарту.
Шара соңында тұрғындарға электронды үкімет порталы (eGov.kz), eGov mobile қосымшасы арқылы қызметтерді қалай алу керектігі жөнінде түсіндірме жұмыстары жүргізіліп, нақты сұрақтарға жауап берілді.
