Хромтау ауданы әкімінің өкімімен Мұстапа Қасымхан Жарасқанұлы Хромтау ауданы әкімінің орынбасары лауазымына тағайындалды.
Қасымхан Жарасқанұлы 1994 жылы дүниеге келген.
2016 жылы Әл-Фараби атындағы Қазақ ұлттық университетін «Құқықтану» мамандығы бойынша, 2021 жылы Қазақ-Орыс халықаралық университетін «Менеджмент» мамандығы бойынша тәмамдаған.
Еңбек жолын 2016 жылы Ақтөбе облысының экономика және бюджеттік жоспарлау басқармасында іс жүргізуші инспектор болып бастаған.
2016-2019 жылдары Ақтөбе облысының индустриялық-инновациялық даму басқармасында инвестициялар және жер қойнауын пайдалану салалары бойынша бас маман қызметтерін атқарды.
2019-2023 жылдары Ақтөбе облысы әкімінің аппаратында өңірлік даму, сыртқы байланыстар және хаттама, ақпараттық-талдау және ұйымдастыру-бақылау жұмыстары бағыттарында бас маман және бас инспектор лауазымдарында еңбек етті.
2023-2025 жылдары Ақтөбе облысы әкімінің аппараты ұйымдастыру-бақылау жұмысы бөлімінің басшысы болды.
2025 жылы Ақтөбе облысының индустриялық-инновациялық даму басқармасы басшысының орынбасары қызметін атқарды. 2025 жылдан 2026 жылдың маусым айына дейін Ақтөбе облысының кәсіпкерлік және индустриялық-инновациялық даму басқармасы басшысының орынбасары лауазымында жұмыс істеді.
Мұстапа Қасымхан Жарасқанұлын жаңа қызметімен құттықтаймыз!
Жауапты қызметіне сәттілік, бастамаларына береке, алдағы жұмысына толағай табыс тілейміз!
