Атырау облысы полиция департаментінде департамент бастығының орынбасары, полиция полковнигі Ғалым Байжановтың қатысуымен киберқылмыстардың алдын алу және ашу бағытындағы батыс өңіраралық оқыту семинары өтті. Іс-шараға Атырау, Ақтөбе және Батыс Қазақстан облыстары полиция департаменттерінің киберқылмыстарды ашу және тергеп-тексерумен айналысатын қызметкерлері қатысты.
Семинар барысында интернет-алаяқтықты анықтау және оның жолын кесу, ақпараттық технологиялар арқылы жасалатын қылмыстар бойынша дәлелдемелерді жинау және бекіту, цифрлық деректерді талдау, сондай-ақ заманауи криминалистикалық құралдарды тиімді қолдану мәселелері жан-жақты қарастырылды. Сонымен қатар, қатысушыларға киберқылмыстарды тергеу барысында жиі кездесетін қиындықтар және оларды шешу жолдары бойынша практикалық түсіндірмелер берілді.
Қатысушылар өзара тәжірибе алмасып, киберқылмыстарға қарсы іс-қимылдың тиімді әдістерін талқылады.
