22 қазанда Надеждинка ауылында «АРЛАН» мәдени-демалыс орталығының салтанатты ашылуы өтті.

2026 жылғы 22 қазанда Надеждинка ауылында «Арлан» демалыс орталығының салтанатты ашылуы өтті. Орталық ауыл тұрғындарының қарым-қатынасы, шығармашылығы мен дамуына арналған жаңа кеңістікке айналады.
1980 жылы салынған ғимарат ұзақ уақыт бойы пайдаланылмай келген. Жүргізілген қалпына келтіру жұмыстарының арқасында ғимарат екінші өмірін алып, қайтадан ауыл тұрғындарына қызмет ететін болады. Орталықтың жалпы ауданы 268,8 шаршы метрді құрайды.
«Арланда» әртүрлі жастағы тұрғындардың бос уақытын тиімді ұйымдастыруға жағдай жасалған. Мұнда тоғызқұмалақ, шахмат, үстел теннисі және би үйірмелері жұмыс істейтін болады. Ғимаратта ауылдық кітапхана да орналасқан, ал кең зал мәдени және қоғамдық іс-шаралар өткізетін орынға айналады.
Орталықтың ашылуы — ауыл үшін маңызды оқиға және Надеждинкадағы мәдени әрі қоғамдық өмірді дамытудағы жаңа қадам.