1 / 7
Сарапшылар Қазақстанның егемендігін нығайту, тарихи сабақтастық пен ұлттық құндылықтарды сақтау мәселелерін қарастырды.
Солтүстік Қазақстан облысының Төтенше жағдайлар департаментінің мәжіліс залында конституциялық реформаны ғылыми-сараптамалық тұрғыдан зерделеуге және оның Қазақстан Республикасының егемендігін нығайтудағы маңызына арналған кездесу өтті.
Іс-шараға «Абылай хан резиденциясы» музейлік кешенінің ғылыми-зерттеу бөлімінің ғылыми қызметкерлері және Ислам мәдениеті музейінің ғылыми қызметкері қатысты. Кездесу барысында конституциялық реформаның елді дамытудағы, мемлекеттік егемендікті нығайтудағы, тарихи сабақтастық пен ұлттық құндылықтарды сақтаудағы рөлі талқыланды.
