1 / 2
Полиция қызметкерлері қоғамдық тәртіпті сақтау және азаматтардың қауіпсіздігін қамтамасыз ету мақсатында қоғамдық орындарда құқық бұзушылықтарды анықтау және олардың алдын алу жұмыстарын жалғастыруда.
Жедел басқару орталығының қызметкерлері бейнебақылау камералары арқылы қоғамдық орындарда алкогольдік ішімдіктерді ішу және мас күйде жүру фактілерін анықтайды. Құқық бұзушылықтар тіркелген жағдайда тиісті шаралар қабылдау үшін оқиға орнына полиция жасақтары жіберіледі.
Полиция азаматтарды қоғамдық тәртіпті сақтауға, заң талаптарын орындауға және айналасындағыларға құрметпен қарауға шақырады.
