«Таза ой, таза жүрек» атты жастар арасында пікірсайыс ойыны өткізілді

Жастардың ой-өрісін дамыту, сыни тұрғыдан ойлау қабілетін арттыру, өз ойын еркін әрі сауатты жеткізу дағдыларын қалыптастыру мақсатында И. Трубицын атындағы №17 жалпы білім беретін мектеп-гимназиясында «Таза ой, таза жүрек» атты жастар арасында пікірсайыс ойыны өткізілді.

💬 Шара барысында қатысушылар өзекті тақырыптар бойынша пікір алмасып, өз ұстанымдарын нақты дәлелдермен қорғады. Пікірсайыс барысында жастардың шешендік өнері, тапқырлығы, логикалық ойлау қабілеті мен командада жұмыс жасау дағдылары сыналды.

Пікірсайыс — жастардың өз ойын ашық білдіріп, өзгелердің пікірін құрметтеуге, мәселені жан-жақты талдауға мүмкіндік беретін маңызды алаң.

✨ Таза ой — парасаттың бастауы, таза жүрек — ізгіліктің негізі!