No157 мектепте өткен арнайы ақпараттық-түсіндіру кездесуінде Дін мәселелерін зерттеу орталығының сарапшылары жасөспірімдерге сандық ортадағы радикалды идеологияның жасырын қауіптері туралы айтып берді. Оқушыларға нақты мысалдар арқылы мессенджерлерде бейтаныс адамдармен қарапайым репост немесе сөйлесудің қалай ауыр құқықтық салдарға әкелуі мүмкін екенін және интернет-қатер болған жағдайда көмекке қайда жүгінуге болатынын түсіндірді.
Алматыдағы Дін істері басқармасының Дін мәселелерін зерттеу орталығының маманы Қуандық Шыңғыс жасөспірімдерге күнделікті өмірде ғана емес, сандық ортада да кезігуі мүмкін қауіптер туралы айтып берді.
Бүгінгі жасөспірімдер үшін БАҚ және әлеуметтік желілер арқылы алатын ақпаратпен шектелмей, радикалдық идеологияның, күмәнді діни топтардың белгілерін тани білуі және олардың ықпалы қандай қауіп төндіретінін түсінуі керек, - дейді маман.
Кездесуде ақпараттық қауіпсіздікке ерекше назар аударылды. Оқушыларға интернеттегі бейтаныс адамдарға неге сенбеу керектігі, күмәнді ұсыныстарды қабылдамау және радикалдық мазмұндағы материалдарды таратпау керектігі түсіндірілді.
Әлеуметтік желілерде көріп отырған ақпаратқа сын көзқараспен қарау, оны тексеріп, күмәнді мазмұнды таратпау маңызды. Егер қауіп туындаса немесе күдікті топтардың қызметіне тарту әрекеттері пайда болса, көмек алу үшін қайда жүгінуге болатынын білу керек, - деп атап өтті сарапшы.
Мамандардың айтуынша, мұндай ақпараттық сабақтар жастардың құқықтық ғана емес, діни сауаттылығын арттыру үшін де қажет. Мектептерде дінтану сабақтарымен қатар профильдік сарапшылармен тұрақты түрде кездесулер өткізу ұсынылады.
Соңында оқушылар маманға экстремизм мен терроризм, діни сауаттылық және интернеттегі қауіпсіздік туралы сұрақтар қоя алды.
Материал Алматы қаласы бойыншаТҚК аппаратының ақпараты негізінде дайындалған
