1 / 6
15 қазан күні Курчатов қаласының аумақтық сайлау комиссиясының мәжіліс залында оқыту семинары өтті.
Шара 2026 жылғы 29 қарашаға тағайындалған мәслихат депутаттарының сайлау науқанына дайындық жоспары аясында ұйымдастырылды. Семинарға барлық округтік сайлау комиссияларының мүшелері толық қатысып, сайлау заңнамасының талаптарын, сайлау процесіне қатысушылардың құқықтары мен міндеттерін тереңдетіп оқып-үйренді.
Жиын барысында сайлау науқанын ұйымдастырудың басты кезеңдері, құжаттаманы жүргізу тәртібі және дауыс беру күнін жоғары деңгейде өткізу мәселелері жан-жақты талқыланды.
