Қызылорда облысында құқық бұзушылықтардың алдын алу мәселелері бойынша ведомствоаралық кеңес өтті

Қызылорда облысының Полиция департаментінде құқық бұзушылықтардың алдын алу және қоғамдық қауіпсіздікті қамтамасыз ету мәселелері бойынша «Құқық бұзушылық профилактикасы туралы» ведомствоаралық кеңес өтті.
Кеңеске Қызылорда облысы Полиция департаментінің бастығы Ергешов Серік Жүрсінбайұлы, Құқықтық статистика және арнайы есепке алу комитетінің Қызылорда облысы бойынша департаментінің бастығы Әйтімбетов Мақсат Абдурахимұлы, прокуратура өкілдері мен полиция қызметкерлері қатысты.
Жиында өңірдегі құқық бұзушылықтардың жай-күйі, профилактикалық жұмыстардың тиімділігін арттыру және құқық бұзушылықтарды жүйелі түрде жасайтын тұлғалармен жеке адрестік жұмыс жүргізу мәселелері қаралды.
Сонымен қатар отбасылық-тұрмыстық құқық бұзушылықтардың, жол қозғалысы қағидаларын бұзудың және сталкингтің алдын алу шараларына назар аударылды.
Кеңес қорытындысы бойынша құқық бұзушылықтардың алдын алу жұмыстарын жандандыру, профилактикалық шаралардың тиімділігін арттыру және уәкілетті органдар арасындағы өзара іс-қимылды нығайту жөнінде ұсыныстар берілді.