13 қазанда Бескөл ауылында «Әділет» партиясы Қызылжар аудандық филиалының партия активінің отырысы өтті. Іс-шараға аудан әкімі Бейбіт Исманов, партияның облыстық филиалы төрағасының орынбасары Женис Асанов және аудандық партия активінің өкілдері қатысты.
Кездесудің негізгі тақырыбы «Әділет» партиясы Қызылжар аудандық филиалының жаңа төрағасы Санат Аубакировты таныстыру болды. Отырысты ашқан аудан әкімі Бейбіт Исманов аудандық партия ұйымының алдында тұрғындармен өзара байланысты нығайту, жергілікті жерлерде партия құрылымын дамыту және партия қызметінің басым бағыттарын іске асыру міндеттері тұрғанын атап өтті.
Кездесу барысында аудандық филиалдың партия активінің жұмысын үйлестірудегі, қоғаммен байланыс орнатудағы және тұрғындардың өзекті мәселелерін шешуге бағытталған бастамаларды ілгерілетудегі рөліне ерекше назар аударылды.
Бейбіт Исманов Санат Аубакировке жаңа қызметінде табыс, нәтижелі жұмыс және партия командасының қолдауын тіледі.
