Қызылорда облысы Полиция департаментінің қызметкерлерінен жылдық қорытынды сынақтары қабылдануда.
Сынақ барысында полиция қызметкерлерінің дене шынықтыру және атыс даярлығы, сондай-ақ заңнаманы білу деңгейі тексеріледі. Әр бағыт бойынша қызметкерлердің теориялық білімі мен практикалық дағдыларына баға беріледі.
Полиция қызметкері үшін кәсіби білім мен физикалық дайындық – қызметтік міндеттерді мінсіз орындаудың маңызды алғышарты. Сондықтан мұндай сынақтар жеке құрамның даярлық деңгейін бағалап қана қоймай, кәсіби шеберлікті жетілдіруге де мүмкіндік береді.
Басты міндет – заң талаптарын жетік меңгерген, дене дайындығы жоғары, кез келген қызметтік жағдайда жедел әрі дұрыс шешім қабылдай алатын мамандардың даярлығын қамтамасыз ету.
Кәсіби даярлық – қызмет сапасының, ал қызмет сапасы қоғамдық қауіпсіздіктің негізі.
