Ұстаздар күні құтты болсын!

Ұстаз – ұлы есім

Шемонаиха ауданында Ұстаздар күніне арналған салтанатты мерекелік шара өтті.

Бұл күні білім саласында жемісті еңбек етіп жүрген ұстаздарға құрмет көрсетіліп, олардың қоғамдағы маңызды рөлі мен жас ұрпақ тәрбиесіне қосқан үлесі атап өтілді.
Ұстаз – шәкіртке білім беріп қана қоймай, оның бойына адамгершілік, жауапкершілік пен еңбекқорлық қасиеттерін қалыптастыратын тұлға.
Мерекелік кеш барысында білім саласының үздік өкілдері марапатталып, ардагер ұстаздарға да ерекше құрмет көрсетілді. Қызыл кілеммен қарсы алу, жылы лебіздер мен мерекелік бағдарлама ұстаздарға көтеріңкі көңіл-күй сыйлады.

Барша ұстаздарға еңбектеріңіз үшін шынайы алғыс білдіремін!

Мықты денсаулық, отбасыларыңызға амандық, шығармашылық табыс және шәкірттеріңіздің жетістіктеріне қуана берулеріңізді тілеймін!

Ұстаздар күні құтты болсын!