Бүгін – білім мен тәрбиенің жолында аянбай еңбек етіп жүрген ұстаздар қауымының кәсіби мерекесі – Мұғалімдер күні.
Бұл айтулы күн бастапқыда жыл сайын қазан айының бірінші жексенбісінде аталып өтетін. Ал 2023 жылы Қазақстан Үкіметі Мұғалімдер күнін 5 қазанға бекітті.Қазір 5 қазан – әлемнің 100-ден астам елінде атап өтілетін Дүниежүзілік мұғалімдер күні. Осы халықаралық дәстүрге сай
Қазақстанда да ұстаздар еңбегін ұлықтайтын кәсіби мерекенің нақты күні белгіленді.
Ұстаз – ұрпаққа білім беріп қана қоймай, елдің ертеңін қалыптастыратын тұлға. Сондықтан бұл күн – саналы ғұмырын шәкірт тәрбиесіне арнаған барша мұғалімге құрмет білдіретін ерекше мереке.
