«Өзгеше болудан қорықпайтын ұстаз»
Булекбаева Махаббат Аубакировна — 8 жылдық педагогикалық тәжірибесі бар орыс тілі мен әдебиеті пәнінің мұғалімі. Павлодар облысы, Железин ауданы, Еңбекші ауылында тұрады. Ұстаз, ұйымдастырушы, авторлық курстардың авторы, мобилограф әрі белсенді блог жүргізуші.
Махаббат Аубакировна өз жұмысында қалыптасқан үлгілермен шектелмеуге тырысады. Заманауи ашық сабақтар өткізіп, жасанды интеллект мүмкіндіктерін қолданады, интерактивті тапсырмалар, танымдық бейнематериалдар мен ерекше көрнекіліктер әзірлейді. Оқушылардың жобалық жұмыстарына ерекше көңіл бөліп, олардың тек білім алып қана қоймай, өз идеяларын жүзеге асырып, жаңа өнім жасауына мүмкіндік береді.
Жинақтаған тәжірибесімен әріптестерімен де белсенді бөліседі. Жасанды интеллект көмегімен заманауи ашық сабақ құруға арналған авторлық курстың авторы. Педагогтерге арналған практикалық оқулар өткізіп, жаңа идеяларымен бөлісіп, заманауи технологияларды білім беруде тиімді қолдануға бағыт береді.
Оның қызметі тек сабақпен шектелмейді. Махаббат Аубакировна педагогтерге арналған арт-терапия, шығармашылық кездесулер, шеберлік сағаттары, практикалық оқулар мен түрлі командалық іс-шаралар ұйымдастырып, әріптестерінің шығармашылық тұрғыдан дамуына және ұжымдық орта қалыптастыруға үлес қосады.
Тағы бір қызығушылығы — мобилография. Бейне түсіреді, монтаждайды, заманауи контент жасайды және әлеуметтік желідегі блогын белсенді жүргізеді. Онда мектеп өмірін, оқушылармен жұмысын, сабақтары мен іс-шараларын, педагогикалық идеяларын, шығармашылығын және күнделікті өмірінің қызықты сәттерін бөліседі.
Махаббат Аубакировна тағы бір ерекше бағыты — аниматор-аюлар. Үлкен аюлар түрлі мерекелердің, құттықтаулар мен қуанышты сәттердің бір бөлігіне айналып, адамдарға көтеріңкі көңіл күй мен ерекше эмоция сыйлайды.
Сабақ пен жасанды интеллект, авторлық курстар, оқушылармен жұмыс, педагогтерді оқыту, арт-терапия, түрлі іс-шаралар, мобилография, блог және аниматорлар — бағыттары әртүрлі болғанымен, барлығын біріктіретін бір қасиет бар: үнемі даму, жаңашылдыққа ұмтылу және жаңа істі бастаудан қорықпау.
«Ұстаз болу — өзгеге білім берумен ғана шектелмей, өзің де үнемі үйрену, жаңалық жасау, шабыттандыру және заманмен бірге қадам басу».
