Тимирязев ауданында Еңбек күніне арналған мерекелік іс-шара өтті.
Іс-шараға Тимирязев ауданының әкімі Жаров Ерлан Қайырұлы қатысты.
Бұл күні өз еңбегімен, кәсіби шеберлігімен және жауапкершілігімен туған ауданның дамуы мен әл-ауқатына елеулі үлес қосып жүрген еңбек адамдарына құрмет көрсетілді.
Іс-шара аясында қатысушыларға арнап мерекелік концерттік бағдарлама ұсынылды.
Кездесудің жалғасы Digital Creative Center орталығында өтіп, қонақтарға экскурсия ұйымдастырылып, заманауи цифрлық кеңістіктің мүмкіндіктері таныстырылды.
Қонақтардың ерекше қызығушылығын ауыл шаруашылығында жасанды интеллект пен цифрлық технологияларды қолдану тақырыбындағы таныстырылым тудырды. Онда деректерді талдау, егіс алқаптарын мониторингтеу және заманауи цифрлық шешімдерді пайдалану арқылы аграрлық өндірістің тиімділігін арттыру мүмкіндіктері көрсетілді.
