«Ерекше жан» клубының спортшысы Азамат Аманша Чехияның Пльзень қаласында өткен Pilsen 2026 World Boccia Challenger халықаралық турнирінде қола жүлдегер атанды.
Азамат Аманша Қазақстан құрамасының сапында өнер көрсетті. Командалық жарыстың қорытындысы бойынша спортшы үшінші орынға ие болып, қола медальды жеңіп алды.
Клуб өкілдерінің айтуынша, бұл нәтиже спортшының көп жылғы еңбегінің, табандылығы мен жоғары жетістіктерге ұмтылысының жемісі.
Азаматты елге оралғаннан кейін «Ерекше жан» клубының қызметкерлері қарсы алды. Ұжым спортшыны сәтті өнер көрсетуімен құттықтап, халықаралық аренада жаңа жеңістер тіледі.
