«Заң және тәртіп» идеологиясы аясында Мемлекеттік еңбек инспекциясының Абай облысы бойынша департаменті қала прокуратурасы және Мемлекеттік сәулет-құрылыс бақылау басқармасымен бірлесіп, құрылыс объектілерінде ауыр өндірістік жарақаттарға әкеп соққан жазатайым оқиғалар фактілерінің жиілеуіне байланысты еңбекті қорғау саласындағы профилактикалық жұмысты күшейтті.
Іс-шара барысында 11 құрылыс объектісінің (көппәтерлі тұрғын үйлер) жұмысшыларына еңбек заңнамасының негізгі талаптары түсіндіріліп, олардың құқықтары мен міндеттері жеткізілді, сондай-ақ еңбек қауіпсіздігін қамтамасыз етуге қатысты өзекті мәселелер қаралды.
Іс-шара қорытындысы бойынша еңбек ұжымдарына, оның ішінде жұмыс берушілерге арнайы жадынамалар таратылды.
Негізгі мақсат – құқықтық мәдениетті нығайту, жұмысшылардың хабардарлық деңгейін арттыру және өндірістік жарақаттанудың алдын алуға әрі оны төмендетуге бағытталған қауіпсіз еңбек жағдайларын қалыптастыру.
Бейнеролик сілтеме бойынша қолжетімді: https://www.gov.kz/memleket/entities/abai-enbek/press/media/details/88488?lang=ru
